回鄉
《回鄉》Huê-hiong
詹雅雯Tsiam Ngá-bûn
詹雅云Tsiam Ngá-ûn
——————————————
一早起
tsi̍t-tsá-khí
心情輕鬆
sim-tsîng khin-sang
喙笑目笑
tshuì-tshiò-ba̍k-tshiò
佇咧款行李
tī-leh khuán hîng-lí
昨暝啊想阮故鄉
tsa-mî–ah siūnn gún kòo-hiong
睏也睏袂去
khùn iā khùn buē-khì
唷唷唷唷
iooh iooh iooh iooh
歡歡喜喜回鄉里
huann-huann-hí-hí huê hiong-lí
坐火車
tsē hué-tshia
搖來搖過去
iô lâi iô kuè-khì
窗外也有美麗景緻
thang-guā iā ū bí-lē kíng-tì
風微微
hong bî-bî
清清涼涼
tshing-tshing liâng-liâng
一直吹
it-ti̍t tshue
吹到故鄉去
tshue kàu kòo-hiong khì
又看見
iū khuànn-kìnn
久無看的
kú bô khuànn ê
親情佮厝邊
tshin-tsiânn kah tshù-pinn
來來來來
lâi lâi lâi lâi
歡歡喜喜講規暝
huann-huann-hí-hí kóng kui-mî
