無代無誌啉酒醉
《無代無誌啉酒醉》Bô-tāi-bô-tsì Lim Tsiú-tsuì
陳鷹Tân Ing
——————————————
無代無誌閣啉落去
bô-tāi-bô-tsì koh lim–lo̍h-khì
毋是故意欲來啉酒醉
m̄-sī kòo-ì beh lâi lim tsiú-tsuì
無人會知阮的心內
bô-lâng ē tsai gún ê sim-lāi
心愛已經離開
sim-ài í-king lī-khui
阮的身軀邊
gún ê sin-khu-pinn
你敢有欲閣一擺
lí kám ū beh koh tsi̍t-pái
接受阮的愛
tsiap-siū gún ê ài
人講破鏡難重圓
lâng kóng phuà-kiànn lân tiông înn
我毋相信
guá m̄ siong-sìn
痴情的人
tshi-tsîng ê lâng
我會堅持
guá ē kian-tshî
等你回心轉意
tán lí huê-sim tsuán-ì
期待酒醉醒的時
kî-thāi tsiú-tsuì tshínn ê sî
你佇阮身邊
lí tī gún sin-pinn
