舞女中的舞女

《舞女中的舞女》Bú-lú Tiong ê Bú-lú

尤鳳Iû Hōng

——————————————

霓虹燈閃爍的繁華都市

nê-ông-ting siám-sih ê huân-huâ too-tshī

舞廳的音樂聲音

bú-thiann ê im-ga̍k siann-im

伴阮在舞池

phuānn gún tsāi bú-tî

雖然是裝著笑容伴你

sui-jiân sī tsng tio̍h tshiò-iông phuānn lí

心內是痛苦

sim-lāi sī thòng-khóo

只是毋敢來表示

tsí-sī m̄-kánn lâi piáu-sī

目屎也一點一點

ba̍k-sái iā tsi̍t-tiám tsi̍t-tiám

親像露水滴

tshin-tshiūnn lōo-tsuí tih

心愛的

sim-ài–ê

你敢毋知為你做舞女

lí kám m̄-tsai uī lí tsuè bú-lí

青紅燈暗淡的舞廳內面

tshinn-âng-ting àm-tām ê bú-thiann lāi-bīn

毋知有幾个

m̄-tsai ū kuí ê

佮我仝款的命運

kah guá kāng-khuán ê miā-ūn

雖然是每日裝甲媠媠

sui-jiân sī muí-ji̍t tsng-kah suí-suí

心內是無限憂愁

sim-lāi sī bû-hān iu-tshiû

無限的痛苦

bû-hān ê thòng-khóo

到底有啥人了解

tàu-tué ū siánn-lâng liáu-kái

同情阮悲哀

tông-tsîng gún pi-ai

心愛的

sim-ài–ê

請你同情可憐阮不幸

tshiánn lí tông-tsîng khó-lîn gún put-hīng

烏暗暗無情的音樂聲音

oo-àm-àm bô-tsîng ê im-ga̍k siann-im

又閣來慢慢奏著

iū-koh lâi bān-bān tsàu tio̍h

無情勃露斯

bô-tsîng bu-lù-suh

雖然是為著環境所致

sui-jiân sī uī-tio̍h khuân-kíng sóo-tì

但是我毋願做出

tān-sī guá m̄-guān tsuè-tshut

以外的代誌

í-guā ê tāi-tsì

毋管是花言巧語

m̄-kuán sī hua-giân khá-gú

怎樣好情意

tsánn-iūnn hó tsîng-ì

心愛的

sim-ài–ê

阮的目前

gún ê ba̍k-tsiân

浮出你形影

phû-tshut lí hîng-iánn