Kiss Me
《Kiss Me》
易天晴Ia̍h Thian-tsîng
——————————————
吵鬧舞廳內
tshá-nāu bú-thiann lāi
遠遠看著你
hn̄g-hn̄g khuànn-tio̍h lí
哇!實在真正帥
uah! si̍t-tsāi tsin-tsiànn shuài
你慢慢行過來
lí bān-bān kiânn–kuè-lâi
佮阮來熟似
kah gún lâi si̍k-sāi
哎喲!心肝搐三改
aih-iō! sim-kuann tiuh sann-kái
啊哈~帥哥你哪攏毋知
ah-hah~ shuàige lí ná lóng m̄-tsai
啊哈~害阮心肝嗶噗惝
ah-hah~ hāi gún sim-kuann pi̍k-po̍k-tsháinn
喔~心愛的趕緊來
ooh~ sim-ài–ê kuánn-kín lâi
對阮來表示愛
tuì gún lâi piáu-sī ài
愛你在心內
ài lí tsāi sim-lāi
毋敢講出來唷
m̄-kánn kóng–tshut-lâi iooh
叫阮怎按耐
kiò gún tsuánn àn-nāi
寂寞的暗暝
tsi̍k-bo̍k ê àm-mî
突然想著你欸
tu̍t-jiân siūnn-tio̍h lí–eh
睏也睏袂去
khùn iā khùn buē-khì
想起彼一時
siūnn-khí hit-tsi̍t-sî
月娘光閣圓喔
gue̍h-niû kng koh înn–ooh
甜蜜的Kiss Me
tinn-bi̍t ê Kiss Me
啊哈~毋甘佮你
ah-hah~ m̄-kam kah lí
Say Good-bye
啊哈~阮是戀愛頭一改
ah-hah~ gún sī luân-ài thâu tsi̍t-kái
喔~心愛的
ooh~ sim-ài–ê
阮期待你來做阮的翁婿
gún kî-thāi lí lâi tsuè gún ê ang-sài
大聲講出來
tuā-siann kóng–tshut-lâi
希望你了解唷
hi-bāng lí liáu-kái–iooh
你是我最愛
lí sī guá tsuè ài
