欲走就走
《欲走就走》Beh Tsáu Tiō Tsáu
易天晴Ia̍h Thian-tsîng
——————————————
欲走你就走
beh tsáu lí tiō tsáu
無必要理由揣遐濟
bô pit-iàu lí-iû tshuē hiah tsuē
若是互相傷害
nā-sī hōo-siong siong-hāi
我甘願無愛過
guá kam-guān bô ài–kuè
你刻薄責備的話
lí khik-po̍k tsik-pī ê uē
將我當做啥貨
tsiong guá tòng-tsuè siánn-huè
敢講愛你是假
kám-kóng ài lí sī ké
你毋承認做過的一切
lí m̄ sîng-jīn tsuè–kuè ê it-tshè
為啥物你認為
uī-siánn-mih lí jīn-uî
我遐爾厚面皮
guá hiah-nī kāu-bīn-phuê
會將你縛牢
ē tsiong lí pa̍k tiâu
毋放你飛
m̄ pàng lí pue
你若無心
lí nā bô-sim
想欲離開揣別个
siūnn beh lī-khui tshuē pa̍t-ê
應該乾脆講坦白
ing-kai gāncuì kóng thán-pe̍h
哪通講甲我像犯罪
ná thang kóng kah guá tshiūnn huān-tsuē
你若無心
lí nā bô-sim
毋願予我講你花
m̄-guān hōo guá kóng lí hue
你就乾脆講坦白
lí tiō gāncuì kóng thán-pe̍h
你哪通講甲我像犯罪
lí ná thang kóng kah guá tshiūnn huān-tsuē
