都馬調
《都馬調》Too-má-tiāu
吳晉淮Ngôo Tsìn-huâi
——————————————
朋啊友兄弟啊聽我勸
pîng–ah iú hiann-tī–ah thiann guá khǹg
世啊間啊金錢是好物
sè–ah kan–ah kim-tsînn sī hó-mn̍gh
有道得財較有向
iú-tō tit-tsâi khah ū ǹg
毋啊通貪人的田園
m̄–ah thang tham lâng ê tshân-hn̂g
一啊款查某啊不死鬼
tsi̍t–ah khuán tsa-bóo–ah put-sú-kuí
毋啊佮怹翁啊來做堆
m̄–ah kah in ang–ah lâi tsuè-tui
家官較欠一啊步跪
ka-kuann khah khiàm tsi̍t–ah pōo kuī
做伊走去亂亂飛
tsuè i tsáu-khì luān-luān hui
家己翁婿啊毋承受
ka-kī ang-sài–ah m̄ sîng-siū
甘願五路去做彪
kam-guān ngōo-lōo khì tsuè-piu
四界去夆啊閣做牽手
sì-kè khì hông–ah tsuè khan-tshiú
的確無通好尾溜
tik-khak bô-thang hó bué-liu
世啊間金錢啊人啊人愛
sè–ah kan kim-tsînn–ah lâng–ah lâng ài
正當來趁啊才應該
tsìng-tsong lâi thàn–ah tsiah ing-kai
心肝毋通想做歹
sim-kuann m̄-thang siūnn tsuè-pháinn
毋聽時到你就知
m̄-thiann, sî kàu lí tiō tsai
