月娘若知
《月娘若知》Gue̍h-niû Nā Tsai
蘇錦煌Soo Kím-hông
——————————————
只有你才了解
tsí-ū lí tsiah liáu-kái
對阮的傷害
tuì gún ê siong-hāi
毋甘看破彼段情愛
m̄-kam khuànn-phuà hit tuānn tsîng-ài
繼續閣等待
kè-sio̍k koh tán-thāi
愛情予你騙毋知
ài-tsîng hōo lí phiàn m̄-tsai
心內感覺足無奈
sim-lāi kám-kak tsiok bô-nāi
天頂星月娘若知
thinn-tíng tshinn gue̍h-niû nā tsai
也會來流目屎
iā ē lâi lâu ba̍k-sái
這敢是
tse kám-sī
命運錯安排
miā-ūn tshò an-pâi
聲聲為你嘆悲哀
siann-siann uī lí thàn pi-ai
心肝頭亂紛紛
sim-kuann-thâu luān hun-hun
天光到黃昏
thinn kng kàu hông-hun
毋知何時會得歇睏
m̄-tsai hô-sî ē-tit hioh-khùn
心內的矛盾
sim-lāi ê mâu-tún
愛情予阮感覺袂穩
ài-tsîng hōo gún kám-kak buē ún
何必為你亂方寸
hô-pit uī lí luān hong-tshùn
天頂星暗示著阮
thinn-tíng tshinn àm-sī tio̍h gún
跤步愛踏予穩
kha-pōo ài ta̍h hōo ún
一切是攏愛靠緣份
it-tshè sī lóng ài khò iân-hūn
著愛振做才根本
tio̍h-ài tsín-tsok tsiah kun-pún
