濁水溪溪水濁
《濁水溪溪水濁》Lô-tsuí-khe Khe-tsuí Lô
臺大合唱團Tâi-tāi Ha̍p-tshiùnn-thuân
——————————————
濁水溪溪水濁
Lô-tsuí-khue khue-tsuí lô
流過山路
lâu kuè suann-lōo
嘛流過草埔
mā lâu kuè tsháu-poo
有時那流那?迌
ū-sî ná lâu ná tshit-thô
有時沉重心慒慒
ū-sî tîm-tāng sim tso-tso
濁水溪溪水濁
Lô-tsuí-khue khue-tsuí lô
流過立春
lâu kuè li̍p-tshun
嘛流過秋分
mā lâu kuè tshiu-hun
共咱祖先鬥開墾
kā lán tsóo-sian tàu khai-khún
田地土地留囝孫
tshân-tē thóo-tē lâu kiánn-sun
濁水溪濁水溪
Lô-tsuí-khue Lô-tsuí-khue
煩惱收成無夠濟
huân-ló siu-sîng bô-kàu tsuē
溪水濁溪水濁
khue-tsuí lô khue-tsuí lô
愛人拍拚做工課
ài lâng phah-piànn tsuè khang-khuè
濁水溪溪水濁
Lô-tsuí-khue Lô-tsuí-khue
流過天邊
lâu kuè thinn-pinn
嘛流過海墘
mā lâu kuè hái-kînn
拜託山靈佮水神
pài-thok suann-lîng kah tsuí-sîn
風調雨順地翠青
hong-tiâu-ú-sūn tē tshuì-tshinn
濁水溪濁水溪
Lô-tsuí-khue Lô-tsuí-khue
煩惱土地袂開花
huân-ló thóo-tē bē khui-hue
溪水濁溪水濁
khue-tsuí lô khue-tsuí lô
愛人疼惜好寶島
ài lâng thiànn-sioh hó pó-tó
濁水溪溪水濁
Lô-tsuí-khue khue-tsuí lô
流過歷史
lâu kuè li̍k-sú
嘛流過這陣
mā lâu kuè tsit-tsūn
千年萬年無歇睏
tshian-nî bān-nî bô hioh-khùn
永遠做伴看顧阮
íng-uán tsuè-phuānn khuànn-kòo gún
