百年好合
《百年好合》Pah-nî Hó-ha̍p
唐儷Tn̂g Lē
——————————————
春風吹桃花溪
tshun-hong tshue thô-hue khe
花芳滿四界
hue-phang muá-sì-kè
阮心愛彼个人
gún sim-ài hit ê lâng
欲來提親送禮
beh lâi thê-tshin sàng-lé
想著雙人情纏綿
siūnn-tio̍h siang-lâng tsîng tînn-mî
著欲牽手做夫妻
tio̍h beh khan-tshiú tsuè hu-tshe
阮滿面染紅桃花
gún muá-bīn ní âng-thô-hue
阮歹勢頭犁犁
gún pháinn-sè thâu lê-lê
捀茶請人客
phâng-tê tshiánn lâng-kheh
偷偷看彼个人
thau-thau khuànn hit ê lâng
今仔日特別飄撇
kia̋nn-ji̍t ti̍k-pia̍t phiau-phiat
雙人美滿的終身
siang-lâng bí-buán ê tsiong-sin
生時日月排同齊
senn-sî ji̍t-gue̍h pâi kāng-tsê
吉日良辰欲出嫁
kiat-ji̍t liông-sîn beh tshut-kè
一生一世
it-sing it-sè
甜甜蜜蜜啉交杯
tinn-tinn-bi̍t-bi̍t lim kau-pue
山盟海誓
san-bîng hái-sè
咬耳輕聲細說
kā hīnn khin-siann-sè-sueh
一生一世
it-sing it-sè
恩恩愛愛蓋仝被
un-un-ài-ài kah kāng phuē
百年好合
pah-nî hó-ha̍p
結髮心相綴
kiat-huat sim siong-tuè
百年好合
pah-nî hó-ha̍p
上四配
siōng sù-phuè
