媠人無媠命
《媠人無媠命》Suí-lâng Bô Suí-miā
小鳳鳳Sió-hōng-hōng(童欣Tông Him, 馬來西亞)
——————————————
哀哀落地哭三聲
ai-ai lo̍h-tē khàu sann-siann
啥物代誌攏毋驚
siánn-mih tāi-tsì lóng m̄-kiann
目睭擘金來出世
ba̍k-tsiu peh-kim lâi tshut-sì
世間是咱的贖罪地
sè-kan sī lán ê sio̍k-tsuē tē
生好生䆀前世過
sing hó sing bái tsiân-sè kuè
袂當予你為非做
buē-tàng hōo lí uî-hui tsuè
七分拍拚三分命
tshit-hun phah-piànn sann-hun miā
借問我有幾分命
tsioh-mn̄g guá ū kuí-hun miā
命命命
miā miā miā
若是欲食無拍拚
nā-sī beh tsia̍h bô phah-piànn
七兩食賰兩分命
tshit-niú tsia̍h tshun nn̄g-hun miā
自古紅顏多薄命
tsū-kóo hông-gân to po̍k-bīng
這款就叫做
tsit khuán tiō kiò-tsuè
媠人無媠命
suí-lâng bô suí-miā
若是閣再欲講命
nā-sī koh-tsài beh kóng miā
這是予人真頭疼
tse sī hōo-lâng tsin thâu thiànn
—
看人好額坐正正
khuànn lâng hó-gia̍h tsē tsiànn-tsiànn
拚來拚去著認命
piànn-lâi-piànn-khì tio̍h jīn-miā
毋通辜負咱的爸母疼
m̄-thang koo-hū lán ê pē-bú thiànn
來世翻頭
lâi-sè huan-thâu
才有七兩命
tsiah ū tshit-niú miā
