星野殘紅
《星野殘紅》Sing-iá Tsân-hông
Chris
——————————————
踮在這个世界
tiàm-tsāi tsit ê sè-kài
攏是運命的安排
lóng-sī ūn-miā ê an-pâi
昏昏暗暗的茫茫前途
hun-hun-àm-àm ê bông-bông tsiân-tôo
刀光劍影
to-kong kiàm-iánn
江湖路也著行
kang-ôo-lōo iā tio̍h kiânn
我的心情誰知影
guá ê sim-tsîng siáng tsai-iánn
離合悲歡
lî-ha̍p pi-huan
敢攏是天註定
kám lóng-sī thinn tsù-tiānn
雖然茫茫人海
sui-jiân bông-bông jîn-hái
你是我一生所愛
lí sī guá it-sing sóo ài
毋管無情風雨來阻礙
m̄-kuán bô-tsîng hong-hōo lâi tsóo-gāi
我也毋願改
guá iā m̄-guān kái
希望你會當了解
hi-bāng lí ē-tàng liáu-kái
我的真情佮真愛
guá ê tsin-tsîng kah tsin-ài
無論風雨
bô-lūn hong-hōo
無論風雨
bô-lūn hong-hōo
我猶原在茫茫人海
guá iu-guân tsāi bông-bông jîn-hái
展現著
tián-hiān tio̍h
男性的氣概
lâm-sìng ê khì-khài
強忍著阮的目屎
kiông-jím tio̍h gún ê ba̍k-sái
敢講你真正
kám-kóng lí tsin-tsiànn
攏毋知阮的心內
lóng m̄-tsai gún ê sim-lāi
這敢講是天的安排
tse kám-kóng sī thinn ê an-pâi
阮註定一生悲哀
gún tsù-tiānn it-sing pi-ai
只有等待你
tsí-ū tán-thāi lí
夢中倒轉來
bāng-tiong tò-tńg–lâi
