愛你的歌聲
《愛你的歌聲》Ài Lí ê Kua-siann
芊芳Tshian-hong
——————————————
阮欲唱歌予恁聽
gún beh tshiùnn-kua hōo lín thiann
想欲予恁好心情
siūnn-beh hōo lín hó sim-tsiânn
這首快樂的情歌
tsit siú khuài-lo̍k ê tsîng-kua
送予阮的阿娜貼
sàng hōo gún ê a-ná-tah
望伊會當
bāng i ē-tàng
來共阮疼
lâi kā gún thiànn
未來的幸福佮快樂
bī-lâi ê hīng-hok kah khuài-lo̍k
共同來拍拚
kiōng-tông lâi phah-piànn
只要真心真意鬥陣
tsí-iàu tsin-sim tsin-ì tàu-tīn
啥物攏毋驚
siánn-mih lóng m̄-kiann
你是阮的寶貝心肝
lí sī gún ê pó-puè sim-kuann
佇阮心肝內
tī gún sim-kuann-lāi
永遠是第一名
íng-uán sī tē-it-miâ
有你來佮阮做伴
ū lí lâi kah gún tsuè-phuānn
甜蜜的心黏相倚
tinn-bi̍t ê sim liâm sio-uá
手牽手行
tshiú khan-tshiú kiânn
姻緣攏是
in-iân lóng-sī
天來註定
thinn lâi tsù-tiānn
毋是講花言巧語
m̄-sī kóng hua-giân khá-gí
就會當唌
tiō ē-tàng siânn
用阮最愛
iōng gún tsuè ài
愛你的歌聲
ài lí ê kua-siann
來去帶動這活力性命
lâi-khì tài-tōng tse ua̍h-li̍k sìnn-miā
