失去的愛情
《失去的愛情》Sit–khì ê Ài-tsîng
陳言寧Tân Giân-lîng
——————————————
歲月經過幾若年
suè-gua̍t king-kuè kuí-lō nî
我猶是會想起你
guá iáu-sī ē siūnn-khí lí
窗外雨水聲
thang-guā hōo-tsuí siann
擾亂失落的心情
jiáu-luān sit-lo̍h ê sim-tsîng
點點滴落的目屎
tiám-tiám tih lo̍h ê ba̍k-sái
漸漸浮現的畫面
tsiām-tsiām phû-hiān ê uē-bīn
攏是提醒我
lóng-sī thê-tshínn guá
你袂轉來阮身邊
lí buē tńg-lâi gún sin-pinn
我一再欺騙我家己
guá it-tsài khi-phiàn guá ka-kī
講你會離開是暫時
kóng lí ē lī-khui sī tsiām-sî
看咱的相片
khuànn lán ê siòng-phìnn
你所有眼神
lí sóo-ū gán-sîn
猶原是幸福的滋味
iu-guân sī hīng-hok ê tsu-bī
我總是用情太認真
guá tsóng–sī iōng tsîng thài jīn-tsin
放袂落失去的愛情
pàng buē-lo̍h sit-khì ê ài-tsîng
等這陣雨停
tán tsit tsūn hōo thîng
烏雲散開
oo-hûn suànn-khui
我決定袂閣為著你
guá kuat-tīng buē koh uī-tio̍h lí
傷害我自己
siong-hāi guá tsū-kí
—
我決定袂閣為著你
guá kuat-tīng buē koh uī-tio̍h lí
珠淚目屎滴
tsu-luī ba̍k-sái tih
