360
《360》Sann-pah La̍k-tsa̍p
榕幫樂團Iông-pang Ga̍k-thuân
林奕碩Lîm I̍k-sik
——————————————
伊講囡仔你無讀冊
i kóng gín-á lí bô tha̍k-tsheh
你大漢會抾捔
lí tuā-hàn ē khioh-ka̍k
伊講囡仔揣好工課
i kóng gín-á tshuē hó khang-khuè
無以後會抾捔
bô, í-āu ē khioh-ka̍k
伊講囡仔無娶某生囝
i kóng gín-á bô tshuā-bóo sinn-kiánn
老矣你會抾捔
lāu–ah lí ē khioh-ka̍k
規工踅踅唸東唸西
kui kang se̍h-se̍h liām-tang-liām-sai
氣身惱命
khì-sin-lóo-miā
有夠倒彈
ū-kàu tò-tuānn
好矣啦
hó–ah lah
算我共你拜託啦
sǹg guá kā lí pài-thok–lah
人兩跤錢四跤
lâng nn̄g-kha tsînn sì-kha
按怎逐攏逐無啦
án-tsuánn jio̍k lóng jio̍k bô–lah
雖然這馬
sui-jiân tsit-má
逐頓攏食粗飽
ta̍k-tǹg lóng tsia̍h tshoo-pá
但是為著夢想
tān-sī uī-tio̍h bāng-sióng
阮甘願睏塗跤
gún kam-guān khùn thôo-kha
我有理想
guá ū lí-sióng
無的確別人無
bô-tik-khak pa̍t-lâng bô
做家己上佮意的代誌
tsò ka-kī siōng kah-ì ê tāi-tsì
規工嚓嚓趒
kui-kang tshia̍k-tshia̍k-tiô
少年的較衝碰
siàu-liân–ê khah tshóng-pōng
好得佳哉我有思考
hó-leh-ka-tsài guá ū su-khó
毋是看著目標
m̄-sī khuànn-tio̍h bo̍k-piau
就隨硞硞傱
tō suî kho̍k-kho̍k tsông
頭腦精光
thâu-náu tsing-kong
向前行
hiòng-tsiân kiânn
袂閣踅玲瑯
buē koh se̍h-lin-long
像林強成功
tshiūnn Lîm Kiông sîng-kong
做時代的英雄
tsò sî-tāi ê ing-hiông
繼續拚
kè-sio̍k piànn
骨力做
kut-la̍t tsò
鄉里流傳我的名
hiong-lí liû-thuân guá ê miâ
天公囝
thinn-kong-kiánn
我的路
guá ê lōo
欲佇頂懸橫咧行
beh tī tíng-kuân huâinn teh kiânn
你毋知阮是
lí m̄-tsai gún sī
為著理想來降世
uī-tio̍h lí-sióng lâi kàng-sè
註定欲來興旺祖先
tsù-tiānn beh lâi hing-ōng tsóo-sian
獻出我一切
hiàn-tshut guá it-tshè
原來是
guân-lâi sī
阮眠夢袂清醒
gún bîn-bāng buē tshing-tshénn
打馬膠黏著跤
tiám-á-ka liâm tio̍h kha
我的路佗位揣
guá ê lōo tó-uī tshuē
I wanna be on the top
所以我骨力拍拚
sóo-í guá kut-la̍t phah-piànn
免予人來喝
bián hōo-lâng lâi huah
永遠佇咧向前行
íng-uán tī-leh hiòng-tsiân kiânn
嘿!媽媽
heh! má-mah
我想欲予你驕傲
guá siūnn-beh hōo lí kiau-ngōo
日時行咧街仔頂
ji̍t–sî kiânn leh ke-á-tíng
絕對攏有風
tsua̍t-tuì lóng ū hong
聽話認真讀書
thiann-uē jīn-tsin tha̍k-tsu
別項攏毋管
pa̍t-hāng lóng m̄-kuán
學校各位老師
ha̍k-hāu kok-uī lāu-su
呵咾我上乖
o-ló guá siōng kuai
考大學讀碩士
khó tāi-ha̍k tha̍k si̍k-sū
我嘛揣著興趣
guá mā tshuē-tio̍h hìng-tshù
如今我欲出航
jû-kim guá beh tshut-hâng
會成功倒轉厝
ē sîng-kong tò-tńg tshù
雖然艱苦
sui-jiân kan-khóo
猶原做
iu-guân tsò
我毋捌後悔
guá m̄-bat hiō-hué
請免煩惱顧腹肚
tshiánn bián huân-ló kòo pak-tóo
有青春通好賠
ū tshing-tshun thang-hó puê
時間逐工咧走
sî-kan ta̍k-kang teh tsáu
漸漸感覺兇狂
tsiām-tsiām kám-kak hiong-kông
一个人無法越頭
tsi̍t-ê-lâng bô-huat ua̍t-thâu
莫當做我衝碰
mài tòng-tsò guá tshiong-pōng
心內知知
sim-lāi tsai-tsai
這條路無好過
tsit tiâu lōo bô hó-kuè
佇我心內
tī guá sim-lāi
永遠會記你的話
íng-uán ē-kì lí ê uē
三百六十行
sann-pah la̍k-tsa̍p hâng
行行攏會出狀元
hâng-hâng lóng ē tshut tsiōng-guân
煞毋知最後
suah m̄-tsai tsuè-āu
賰我一人
tshun guá tsi̍t-lâng
戇戇哭悲哀
gōng-gōng khàu pi-ai
你毋知阮是
lí m̄-tsai gún sī
為著理想來降世
uī-tio̍h lí-sióng lâi kàng-sè
註定欲來興旺祖先
tsù-tiānn beh lâi hing-ōng tsóo-sian
獻出我一切
hiàn-tshut guá it-tshè
原來是
guân-lâi sī
阮眠夢袂清醒
gún bîn-bāng buē tshing-tshénn
打馬膠黏著跤
tiám-á-ka liâm tio̍h kha
我的路佗位揣
guá ê lōo tó-uī tshuē
今仔日風真透
kin-á-ji̍t hong tsin thàu
頭家的面臭臭
thâu-ke ê bīn tshàu-tshàu
拚死咧做
piànn-sí teh tsò
為著頭家面笑笑
uī-tio̍h thâu-ke bīn tshiò-tshiò
是好天抑是風颱天
sī hó-thinn ia̍h-sī hong-thai-thinn
真歹臆著
tsin pháinn ioh–tio̍h
免數想有人呵咾
bián siàu-siūnn ū-lâng o-ló
莫來罵就好
mài lâi mē tiō hó
就算講滿腹的怨屈
tiō sǹg-kóng muá-pak ê uàn-khut
面嘛是愛笑
bīn mā sī ài tshiò
自茶店到餐廳
tsū tê-tiàm kàu tshan-thiann
到今仔日
kàu kin-á-ji̍t
上班有桌仔
siōng-pan ū toh-á
薪水嘛拚袂過
sin-suí mā piànn buē-kuè
外口做烏的哥仔
guā-kháu tsò-oo ê ko-á
我的未來不是夢
wǒ de wèilái búshì mèng
彼个歌烏白寫
hit-ê kua oo-pe̍h siá
便當著烏白食
piān-tong to̍h oo-pe̍h tsia̍h
至少肚子不會空
zhìshǎo dùzi búhuì kōng
逐家攏講機會
ta̍k-ke lóng kóng
機會是留給準備好的人
jīhuì shì liú gěi zhǔnbèi hǎo de rén
但我看好位攏是
tān guá khuànn hó-uī lóng-sī
老闆準備好的人
lǎobǎn zhǔnbèi hǎo de rén
三分天註定
sann-hun thinn tsù-tiānn
七分著愛靠後壁
tshit-hun tio̍h-ài khò āu-piah
這決定了對人喝
tse kuat-tīng liáu tuì lâng huah
抑是予人喝?早
ia̍h-sī hōo-lâng huah gâu-tsá
王董的囝
Ông-táng ê kiánn
以後嘛是叫做王董
í-āu mā sī kiò-tsò Ông-táng
阮可能準備等後世人
gún khó-lîng tsún-pī tán āu-sì-lâng
你毋知阮是
lí m̄-tsai gún sī
為著理想來降世
uī-tio̍h lí-sióng lâi kàng-sè
註定欲來興旺祖先
tsù-tiānn beh lâi hing-ōng tsóo-sian
獻出我一切
hiàn-tshut guá it-tshè
原來是
guân-lâi sī
阮眠夢袂清醒
gún bîn-bāng buē tshing-tshénn
打馬膠黏著跤
tiám-á-ka liâm tio̍h kha
我的路佗位揣
guá ê lōo tó-uī tshuē
