流浪兒心聲
《流浪兒心聲》Liû-lōng-jî Sim-siann
黃瑞琪N̂g Suī-kî
——————————————
忍著滿腹的苦悶
jím tio̍h muá-pak ê khóo-būn
孤單行到小山崙
koo-tuann kiânn kàu sió suann-lūn
暗風吹來一陣一陣
àm-hong tshue–lâi tsi̍t-tsūn-tsi̍t-tsūn
引阮心頭亂紛紛
ín gún sim-thâu luān-hun-hun
若是想起阮的命運
nā-sī siūnn-khí gún ê miā-ūn
只有暗自恨
tsí-ū àm tsū-hūn
自細流浪到這陣
tsū-suè liû-lōng kàu tsit-tsūn
事事項項
sū-sū-hāng-hāng
好歹袂齊勻
hó-pháinn buē tsiâu-ûn
欲對啥人來議論
beh tuì siánn-lâng lâi gī-lūn
天頂月娘笑微微
thinn-tíng ge̍h-niû tshiò bî-bî
親像對阮咧表示
tshin-tshiūnn tuì gún teh piáu-sī
做著一个堂堂男兒
tsuè tio̍h tsi̍t-ê tông-tông lâm-jî
何必時常吐大氣
hô-pit sî-siông thóo-tuā-khuì
我也決心
guá iā kuat-sim
提出勇氣
the̍h tshut ióng-khì
毋通來失志
m̄-thang lâi sit-tsì
毋驚風雨來阻止
m̄-kiann hong-hōo lâi tsóo-tsí
毋管啥款
m̄-kuán siánn-khuán
困難的代誌
khùn-lân ê tāi-tsì
面對現實活落去
bīn-tuì hiān-si̍t ua̍h–lo̍h-khì
