看破的情愛
《看破的情愛》Khuànn-phuà ê Tsîng-ài
金佩玉Kim Puē-gio̍k
——————————————
阮毋願閣再
gún m̄-guān koh-tsài
想起痛苦的過去
siūnn-khí thòng-khóo ê kè-khì
你敢知我除了你
lí kám tsai guá tû-liáu lí
啥物攏無愛挃
siánn-mih lóng bô-ài ti̍h
為怎樣做你去
uī-tsánn-iūnn tsuè lí khì
全然無情義
tsuân-jiân bô tsîng-gī
我決心佮你分開
guá kuat-sim kah lí hun-khui
目屎煞來流袂離
ba̍k-sái suah lâi lâu buē-lī
啊~走去佗位
ah~ tsáu-khì tó-uī
才會放袂記
tsiah ē pàng-buē-kì
你走了
lí tsáu liáu
我也看破
guá iā khuànn-phuà
真情愛拆散
tsin-tsîng ài thiah-suànn
何必為愛來拖磨
hô-pit uī ài lâi thua-buâ
痴情嘛無較縒
tshi-tsîng mā bô-khah-tsua̍h
孤一个無牽掛
koo tsi̍t-ê bô khan-kuà
自由的生活
tsū-iû ê sing-ua̍h
今夜的這陣小雨
kim-iā ê tsit-tsūn sió-hōo
為何哪會落袂煞
uī-hô ná ē lo̍h buē-suah
啊~孤單無伴
ah~ koo-tuann bô-phuānn
啥人同情我
siánn-lâng tông-tsîng guá
