情寄何方
《情寄何方》Tsîng Kià Hô-hong
談詩玲Tâm Si-lîng
——————————————
情寄何方
tsîng kià hô-hong
茫茫人海
bâng-bâng jîn-hái
誰是阮英雄
siáng sī gún ing-hiông
心疼無路用
sim thiànn bô-lōo-iōng
才知失了站節
tsiah tsai sit liáu tsām-tsat
撥袂開
puah buē-khui
兩字滄桑
nn̄g-jī tshong-song
賭強
tóo-kiông
毋驚傷
m̄-kiann siong
人講拍斷手骨
lâng kóng phah-tn̄g tshiú-kut
顛倒勇
tian-tò ióng
啥人無苦衷
siánn-lâng bô khóo-thiong
祝福他鄉的人
tsiok-hok thann-hiong ê lâng
無緣的你
bô-iân ê lí
保重
pó-tiōng
嘆青春
thàn tshing-tshun
為愛失分寸
uī ài sit hun-tshùn
越頭
ua̍t-thâu
已經規身的傷痕
í-king kui-sin ê siong-hûn
愛佮恨
ài kah hūn
今日到遮斷
kim-ji̍t kàu tsia tn̄g
望天牽成
bāng thinn khan-sîng
安排好緣份
an-pâi hó iân-hūn
為阮拍算
uī gún phah-sǹg
