心蘭
《心蘭》Sim-lân
任珍Jīm-tin
——————————————
心啊心
sim–ah sim
我一粒失落的心
guá tsi̍t-lia̍p sit-lo̍h ê sim
失落失落失落
sit-lo̍h sit-lo̍h sit-lo̍h
失落的心
sit-lo̍h ê sim
失落空悲切
sit-lo̍h khong pi-tshiat
悲切夜雨吟
pi-tshiat iā-ú gîm
吟吟
gîm gîm
哀韻獨自吟
ai-ūn to̍k-tsū gîm
心啊心
sim–ah sim
愛你遮爾深
ài lí tsiah-nī tshim
恨你遮爾深
hūn lí tsiah-nī tshim
瀟瀟夜雨影深沉
siau-siau iā-ú iánn tshim-tîm
蘭啊蘭
lân–ah lân
我一蕊無緣的蘭
guá tsi̍t-luí bô-iân ê lân
無緣無緣無緣
bô-iân bô-iân bô-iân
無緣的蘭
bô-iân ê lân
無緣珠淚滴
bô-iân tsu-luī tih
淚滴港都寒
luī tih káng-too hân
寒寒
hân hân
露濕春風寒
lōo sip tshun-hong hân
蘭啊蘭
lân–ah lân
愛你遮爾難
ài lí tsiah-nī lân
恨你遮爾難
hūn lí tsiah-nī lân
濛濛港都淚難乾
bông-bông káng-too luī lân kan.
