愛情的故事若電影
《愛情的故事若電影》Ài-tsîng ê Kòo-sū Ná Tiān-iánn
卓依婷Toh I-tîng
——————————————
總是一个人看電影
tsóng-sī tsi̍t-ê-lâng khuànn tiān-iánn
三更半暝家己行
sann-kinn-puànn-mî ka-tī kiânn
有時陣
ū-sî-tsūn
也會感覺孤單
iā ē kám-kak koo-tuann
揣無人聽阮的心聲
tshuē-bô lâng thiann gún ê sim-siann
愛情的故事
ài-tsîng ê kòo-sū
隨人搬
suî lâng puann
酸甘苦澀
sng-kam khóo-siap
隨人寫
suî lâng siá
若有心愛的通來依倚
nā ū sim-ài–ê thang lâi i-uá
我嘛甘願受拖磨
guá mā kam-guān siū thua-buâ
愛情故事若電影
ài-tsîng kòo-sū ná tiān-iánn
悲歡離合費心情
pi-huan lî-ha̍p huì sim-tsiânn
有人遮真心對待我
ū-lâng tsiah tsin-sim tuì-thāi guá
阮歡喜滿心肝
gún huann-hí muá sim-kuann
若是結局愛拆散
nā-sī kiat-kio̍k ài thiah-suànn
當做緣份無夠峇
tòng-tsuè iân-hūn bô-kàu bā
無論心肝偌爾疼
bô-lūn sim-kuann guā-nī thiànn
笑笑夢一攤
tshiò-tshiò bāng tsi̍t-thuann
愛情的故事
ài-tsîng ê kòo-sū
隨人搬
suî lâng puann
酸甘苦澀
sng-kam khóo-siap
隨人寫
suî lâng siá
若有心愛的通來依倚
nā ū sim-ài–ê thang lâi i-uá
我嘛甘願受拖磨
guá mā kam-guān siū thua-buâ
