男性哪有啥稀奇
《男性哪有啥稀奇》Lâm-sìng Ná-ū Siánn Hi-kî
尤雅Iû Ngá
——————————————
手捀酒一杯
tshiú phâng tsiú tsi̍t-pue
滿腹的恨火
muá-pak ê hūn-hé
世間真歹揣
sè-kan tsin pháinn tshē
弱女痴情阮一个
jio̍k-lú tshi-tsîng gún tsi̍t-ê
男性太靠勢
lâm-sìng thài khò-sè
跤踏純情花
kha ta̍h sûn-tsîng hue
心內真怨慼
sim-lāi tsin uàn-tsheh
堅心報復你一个
kian-sim pò-ho̍k lí tsi̍t-ê
人生幸福無幾擺
jîn-sing hīng-hok bô kuí-pái
看清世情才應該
khuànn-tshing sè-tsîng tsiah ing-kai
男性有好歹
lâm-sìng ū hó-pháinn
只愛提出勇氣來
tsí-ài the̍h tshut ióng-khì lâi
揣出真心的情愛
tshē-tshut tsin-sim ê tsîng-ài
激心啉燒酒
kik-sim lim sio-tsiú
也難解憂愁
iā lân kái iu-tshiû
失戀味難受
sit-luân bī lân-siū
悲愁心情
pi-tshiû sim-tsîng
何時休
hô-sî hiu
毋願再傷悲
m̄-guān tsài siong-pi
看透人情味
khuànn-thàu jîn-tsîng bī
一切放袂記
it-tshè pàng-buē-kì
男性哪有啥稀奇
lâm-sìng ná ū siánn hi-kî
袂記酸苦味
buē-kì sng-khóo bī
做人愛理智
tsuè-lâng ài lí-tì
只愛有意志
tsí-ài ū ì-tsì
女性袂去輸男兒
lú-sìng buē khì su lâm-jî
坎坎坷坷的人生
khám-khám-khia̍t-khia̍t ê jîn-sing
雖然時常袂安靜
sui-jiân sî-siông buē an-tsīng
拍破歹環境
phah-phuà pháinn khuân-kíng
揣著純情的男性
tshē-tio̍h sûn-tsîng ê lâm-sìng
造成幸福的家庭
tsō-sîng hīng-hok ê ka-tîng
人生過程中
jîn-sing kè-tîng tiong
絕無啥苦傷
tsua̍t bô siánn khóo-siong
失意變堅強
sit-ì piàn kian-kiông
成為一个女英雄
sîng-uî tsi̍t-ê lú ing-hiông
成為一个女英雄
sîng-uî tsi̍t-ê lú ing-hiông
