成功的人
《成功的人》Sîng-kong ê Lâng
陳一郎Tân It-lông
——————————————
成功的人真濟
sîng-kong ê lâng tsin tsuē
攏是艱苦頭
lóng-sī kan-khóo thâu
啊快活尾
ah khuìnn-ua̍h bué
失敗有啥通難過
sit-pāi ū siánn thang lân-kuè
毋是只有你我兩个
m̄-sī tsí-ū lí guá nn̄g-ê
少年拍拚骨力做
siàu-liân phah-piànn kut-la̍t tsuè
食老才袂老連回
tsia̍h-lāu tsiah buē lāu liân-huê
失去的美夢
sit-khì ê bí-bāng
難追回
lân tui-huê
把握未來的好機會
pá-ak bī-lâi ê hó ki-huē
若有決心認真做
nā ū kuat-sim jīn-tsin tsuè
小溝總會變大溪
sió-kau tsóng ē piàn tuā-khe
