夜霧的港都
《夜霧的港都》Iā-bū ê Káng-too
邱蘭芬Khu Lân-hun
——————————————
茫茫夜霧最無情
bông-bông iā-bū tsuè bô-tsîng
阻礙阮前程
tsóo-gāi gún tsiân-tîng
船螺聲音嘆悲情
tsûn-lê siann-im thàn pi-tsîng
替阮抱不平
thuè gún phāu-put-pîng
誰可憐
siáng khó-lîn
誰可憐
siáng khó-lîn
啥人來可憐
siánn-lâng lâi khó-lîn
淒冷海風吹袂停
tshe-líng hái-hong tshue buē-thîng
引阮心袂清
ín gún sim buē-tshing
港都夜霧白茫茫
káng-too iā-bū pe̍h-bông-bông
揣無伊一人
tshē-bô i tsi̍t-lâng
波浪聲音哭悽慘
pho-lōng siann-im khàu tshi-tshám
為阮心事重
uī gún sim-sū tāng
誰怨嘆
siáng uàn-thàn
誰怨嘆
siáng uàn-thàn
啥人袂怨嘆
siánn-lâng buē uàn-thàn
港都路燈也暗淡
káng-too lōo-ting iā àm-tām
引阮心苦痛
ín gún sim khóo-thàng
茫茫夜霧罩四邊
bông-bông iā-bū tà sì-pinn
害阮失光明
hāi gún sit kong-bîng
自恨環境空薄命
tsū-hūn khuân-kíng khang po̍k-bīng
目屎滴胸前
ba̍k-sái tih hing-tsîng
誰同情
siáng tông-tsîng
誰同情
siáng tông-tsîng
啥人來同情
siánn-lâng lâi tông-tsîng
港都夜霧海風冷
káng-too iā-bū hái-hong líng
引阮心頭凝
ín gún sim-thâu gîng
