上帝疼惜世間人

《上帝疼惜世間人》Siōng-tè Thiànn-sioh Sè-kan Lâng

周黛蘭 TSIU TĀI-LÂN
上帝疼惜世間的人
Siōng-tè thiànn-sioh sè-kan ê lâng
永遠攏仝款
íng-uán lóng kāng-khuán
上帝同情艱苦的人
Siōng-tè tông-tsîng kan-khóo ê lâng
暗中咧幫贊
àm-tiong teh pang-tsān
上帝看顧世間的人
Siōng-tè khuànn-kòo sè-kan ê lâng
無分好額散
bô hun hó-gia̍h sàn
上帝赦免有罪的人
Siōng-tè sià-bián ū tsuē ê lâng
照顧善良的人
tsiàu-kòo siān-liông ê lâng
雖然世間有苦楚萬萬項
sui-liân sè-kan ū khóo-tshó bān-bān hāng
總是知影咱困難
tsóng–sī tsai-iánn lán khùn-lân
主是我的倚靠
Tsú sī guá ê uá-khò
我的向望
guá ê ǹg-bāng
主是我最大幫贊
Tsú sī guá tsuè tuā pang-tsān
上帝疼惜世間的人
Siōng-tè thiànn-sioh sè-kan ê lâng
永遠攏相?
íng-uán lóng sio-siâng
上帝同情痛苦的人
Siōng-tè tông-tsîng thòng-khóo ê lâng
安慰失意人
an-uì sit-ì lâng
上帝看顧世間的人
Siōng-tè khuànn-kòo sè-kan ê lâng
無分佗位人
bô hun tó-uī lâng
上帝安慰傷心的人
Siōng-tè an-uì siong-sim ê lâng
醫好破碎的人
i-hó phò-tshuì ê lâng
雖然世間有苦楚萬萬項
sui-jiân sè-kan ū khóo-tshó bān-bān hāng
總是擔擔咱困難
tsóng–sī tam-tann lán khùn-lân
主是我的氣力
Tsú sī guá ê khuì-la̍t
我的希望
guá ê hi-bāng
主是我最大平安
Tsú sī guá tsuè tuā pîng-an
主是我的氣力
Tsú sī guá ê khuì-la̍t
我的希望
guá ê hi-bāng
主是我最大平安
Tsú sī guá tsuè tuā pîng-an

您可能也會喜歡…

跳至工具列