英雄無論出身低
《英雄無論出身低》Ing-hiông Bô-lūn Tshut-sin Kē
白冰冰Pe̍h Ping-ping
——————————————
彼時細漢在草地
hit-sî suè-hàn tsāi tsháu-tē
讀書真罕得有穿鞋
tha̍k-tsu tsin hán-tit ū tshīng ê
小學畢業就立誓
sió-ha̍k pit-gia̍p tsiū li̍p-sè
若無奮鬥
nā bô hùn-tàu
綴人無尾坐
tuè lâng bô bué-tsē
來到都市學師仔
lâi-kàu too-tshī o̍h sai-á
來拍底
lâi phah-té
三年出師
sann-nî tshut-sai
親友啊有鼓勵
tshin-iú–ah ū kóo-lē
英雄無論出身低
ing-hiông bô-lūn tshut-sin kē
師仔工嘛會做頭家
sai-á- kang mā ē tsò thâu-ke
如今我的企業
jû-kim guá ê khì-gia̍p
真正濟
tsin-tsiànn tsuē
已經成功
í-king sîng-kong
無來辜負恁逐家
bô lâi koo-hū lín ta̍k-ke
