感激天地
《感激天地》Kám-kik Thinn-tē
寶寶
——————————————
有時想起往事
ū-sî sióng-khí óng-sū
心內存在著感激
sim-lāi tsûn-tsāi tio̍h kám-kik
天地永遠佇我心內
thinn-tuē íng-uán tī guá sim-lāi
六神無主的時陣
lio̍k-sîn bô-tsú ê sî-tsūn
天地攏會
thinn-tuē lóng ē
予我心神安定
hōo guá sim-sîn an-tīng
有時想起往事
ū-sî sióng-khí óng-sū
心內存在著感激
sim-lāi tsûn-tsāi tio̍h kám-kik
佇天地的胸懷中
tī thinn-tuē ê hing-huâi tiong
我看著家己
guá khuànn-tio̍h ka-kī
經受偌濟困難
king-siū guā-tsuē khùn-lân
攏磨滅不了驍勇
lóng buâ-bia̍t put-liáu hiau-ióng
天地是我的大厝
thinn-tuē sī guá ê tuā-tshù
時時咧守護著我
sî-sî leh siú-hōo tio̍h guá
日頭月娘
ji̍t-thâu ge̍h-niû
佇天界相會
tī thinn-kài siong-huē
攑頭看看天
gia̍h-thâu khuànn-khuànn thinn
天地是我的大厝
thinn-tuē sī guá ê tuā-tshù
時時咧守護著我
sî-sî leh siú-hōo tio̍h guá
我歡喜家己
guá huann-hí ka-kī
徛佇咧天地的大厝
khiā tī-leh thinn-tuē ê tuā-tshù
—
天地是我的大厝
thinn-tuē sī guá ê tuā-tshù
