哭枵啦啦啦
麵包車樂團 Mī-pau-tshia Ga̍k-thuân
哭枵啦啦啦 Khàu-iau–lah–lah–lah
–
會雄雄精神過來
ē hiông-hiông tsing-sîn–kuè-lâi
拭目眉 掩目屎
tshit ba̍k-bâi, am ba̍k-sái
夢中的夢 彼个未來
bāng-tiong ê bāng, hit ê bī-lâi
飛去啥物所在 無人知
pue khì siánn-mih sóo-tsāi, bô lâng tsāi
毋捌插電的 gì-tah 大力鼓聲恬恬佇遐
m̄ bat tshah-tiān ê gì-tah, tuā-la̍t kóo-siann tiām-tiām tī hia
唱袂停的 Rock’n’roll 停佇十九歲
tshiùnn buē thîng ê Rock’n’roll, thîng tī tsa̍p-káu huè
突然間的頭毛喙鬚白 火敢會退
thu̍t-jiân-kan ê thâu-mn̂g tshuè-tshiu pe̍h, hué kám ē thè
燈光舞台 虛華的人
ting-kng bú-tâi, hi-hua ê lâng
是走去佗位啦 日子的空
sī tsáu khì tó-uī–lah, ji̍t-tsí ê khang
為你寫的 Meledy, Sol Mi Sol Mi Sol Do
uī lí siá ê Meledy, Sol Mi Sol Mi Sol Do
哭枵啦啦啦啦 哭夢哭生活
khàu-iau–lah–lah–lah, khàu bāng khàu sing-ua̍h
無閒的時間啊 伊嘛聽無啦
bô-îng ê sî-kan–ah, i mā thiann-bô–lah
大大聲啦啦啦啦
tuā-tuā-siann–lah–lah–lah–lah
Solo 催落毋免驚 破聲哪有啥
Solo tshui–lo̍h m̄-bián kiann, phuà-siann ná ū siánn
你若毋敢 就 sai-ió-ná-lah
lí nā m̄ kánn, tiō sai-ió-ná-lah
開始矣未的演唱會
khai-sí–ah–buē ê ián-tshiùnn-huē
佇夢中踅啊踅 揣無電火
tī bāng-tiong se̍h–ah se̍h, tshuē bô tiān-hué
Bass 手 Sign in 一下 我來唱第一个
Bass-tshiú Sign in–tsi̍t-ē, guá lâi tshiùnn tē it ê
燒酒麻煩閣來一杯
sio-tsiú mâ-huân koh lâi tsi̍t pue
