蝴蝶飛
《蝴蝶飛》Oô-tia̍p Pue
蘇路Soo Lōo (蘇宥蓉Soo Iū-iông)
——————————————
蝴蝶恬恬一直飛
ôo-tia̍p tiām-tiām it-ti̍t pue
飛入阮心底
pue ji̍p gún sim-té
予阮閣再想起
hōo gún koh-tsài siūnn-khí
愛情的美麗
ài-tsîng ê bí-lē
心內澎湃的熱火
sim-lāi phông-phài ê jia̍t-hué
為著過去的一段誤會
uī-tio̍h kuè-khì ê tsi̍t-tuānn gōo-huē
才予你我的愛情虛礪礪
tsiah hōo lí guá ê ài-tsîng hi-lè-lè
蝴蝶戀著花
ôo-tia̍p luân tio̍h hue
甘願用性命來陪
kam-guān iōng sìnn-miā lâi puê
伊攏無想過
i lóng bô siūnn–kuè
踮背後的代價
tiàm puē-āu ê tāi-kè
感情無公平
kám-tsîng bô kong-pênn
情深緣份短
tsîng tshim iân-hūn té
就看啥人
tiō khuànn siánn-lâng
先放手誰先退
sing pàng-tshiú siáng sing thè
感情三兩話
kám-tsîng sann-nn̄g uē
最後避袂開再會
tsuè-āu pī buē khui tsài-huē
目屎有流過
ba̍k-sái ū lâu–kuè
傷心真澈底
siong-sim tsin thiat-té
想欲閣做伙
siūnn-beh koh tsuè-huè
是無可能的
sī bô khó-lîng–ê
只好忍心堅心
tsí-hó jím-sim kian-sim
放下一切
hòng-hā it-tshè
