風怎樣吹
《風怎樣吹》Hong Tsuánn-iūnn Tshue
蘇路Soo Lōo (蘇宥蓉Soo Iū-iông)
——————————————
暗淡怎會是這輪月
àm-tām tsuánn ē sī tsit lûn gue̍h
猶有你佮阮的一切
iáu ū lí kah gún ê it-tshè
無言的氣氛早坦白
bô-giân ê khì-hun tsá thán-pe̍h
情份就草草收尾
tsîng-hūn tiō tshó-tshó siu-bué
冷冷的雨水落規暝
líng-líng ê hōo-tsuí lo̍h kui-mê
伴著傷人的閒仔話
phuānn tio̍h siong lâng ê îng-á-uē
為何你也無講詳細
uī-hô lí ia̍h bô kóng siông-sè
放阮為感情受罪
pàng gún uī kám-tsîng siū-tsuē
無聲無說
bô-siann-bô-sueh
將幸福攏總收回
tsiong hīng-hok lóng-tsóng siu-huê
原來人講的
guân-lâi lâng kóng–ê
攏是真的
lóng-sī tsin–ê
風怎樣吹
hong tsuánn-iūnn tshue
怎樣飛
tsuánn-iūnn pue
怎樣墜落在無底深坑
tsuánn-iūnn tuī-lo̍h tsāi bô té tshim-khenn
一聲聲一句句的情話
tsi̍t-siann-siann tsi̍t-kù-kù ê tsîng-uē
聽來愈刺鑿心底
thiann–lâi jú tshì-tsha̍k sim-té
風怎樣吹
hong tsuánn-iūnn tshue
怎樣飛
tsuánn-iūnn pue
怎樣袂記有佮你愛過
tsuánn-iūnn buē-kì ū kah lí ài–kuè
為啥貨為啥貨
uī siánn-huè uī siánn-huè
我愛的
guá ài ê
偏偏傷我遮濟
phian-phian siong guá tsiah tsuē
