袂當講的愛
《袂當講的愛》Buē-tàng Kóng ê Ài
蘇路Soo Lōo(蘇宥蓉Soo Iū-iông)
——————————————
風你敢會了解
hong lí kám ē liáu-kái
阮無奈的目屎
gún bô-nāi ê ba̍k-sái
明知影不應該
bîng tsai-iánn put ing-kai
又閣交出阮的愛
iū-koh kau-tshut gún ê ài
心閣愛疼幾擺
sim koh ài thiànn kuí pái
才會當拄著愛
tsiah ē-tàng tú-tio̍h ài
感情是沿路的傷害
kám-tsîng sī iân-lōo ê siong-hāi
阮猶原期待
gún iu-guân kî-thāi
袂當講的愛
buē-tàng kóng ê ài
暗暝來偷偷流目屎
àm-mî lâi thau-thau lâu ba̍k-sái
毋願你為我
m̄-guān lí uī guá
前途來受阻礙
tsiân-tôo lâi siū tsóo-gāi
袂當講的愛
buē-tàng kóng ê ài
幸福敢有影存在
hīng-hok kám ū-iánn tsûn-tsāi
毋知你
m̄-tsai lí
敢有將阮愛
kám ū tsiong gún ài
