講情講愛
《講情講愛》Kóng Tsîng Kóng Ài
羅時豐Lô Sî-hong
——————————————
感情像一个時鐘
kám-tsîng tshiūnn tsi̍t-ê sî-tsing
早慢會停
tsá-bān ē thîng
一開始攏是熱情
tsi̍t-khai-sí lóng-sī jia̍t-tsîng
最後冷冷
tsuè-āu líng-líng
你若是袂當適應
lí nā-sī buē-tàng sik-ìng
註定不幸
tsù-tiānn put-hīng
何必來為情
hô-pit lâi uī tsîng
心頭凝
sim-thâu gîng
心情像一蕊海湧
sim-tsîng tshiūnn tsi̍t-luí hái-íng
消失無形
siau-sit bû-hîng
愛情是一支路燈
ài-tsîng sī tsi̍t-ki lōo-ting
閃爍袂停
siám-sih buē thîng
將感情當做一生
tsiong kám-tsîng tòng-tsuè it-sing
遮爾殘忍
tsiah-nī tsân-jím
愛是啥物情形
ài sī siánn-mih tsîng-hîng
是誰的心較硬
sī siáng ê sim khah ngē
看啥人心較早冷
khuànn siánn-lâng sim khah-tsá líng
啊~講情講愛講阮
ah~ kóng tsîng kóng ài kóng gún
一生為愛誤前程
it-sing uī ài gōo tsiân-tîng
愛著遮爾光榮
ài–tio̍h tsiah-nī kong-îng
失去就冷冷冰冰
sit–khì tiō líng-líng-ping-ping
啊~講情講愛講阮
ah~ kóng tsîng kóng ài kóng gún
一生為情遮無閒
it-sing uī tsîng tsiah bô-îng
早知時間會停
tsá-tsai sî-kan ē thîng
心早暗會遮爾冷
sim tsá-àm ē tsiah-nī líng
就毋敢動真情
tiō m̄-kánn tāng tsin-tsîng
