一日芳
《一日芳》Tsi̍t-ji̍t Phang
謝宜君Siā Gî-kun
——————————————
拄著你這隻愛情蜂
tú-tio̍h lí tsit tsiah ài-tsîng phang
規暝袂當予阮來輕鬆
kui-mî buē-tàng hōo gún lâi khin-sang
夜夜四界串花欉
iā-iā sì-kè tshuàn hue-tsâng
毋知叮啥人
m̄-tsai tìng siánn-lâng
當時才會
tang-sî tsiah-ē
等著你回房
tán tio̍h lí huê pâng
命運創治人啊
miā-ūn tshòng-tī lâng–ah
半暝揣無人
puànn-mê tshuē-bô lâng
總有一工
tsóng ū-tsi̍t-kang
會當將你網
ē-tàng tsiong lí bāng
望你回心轉意
bāng lí huê-sim-tsuán-ì
將阮攬
tsiong gún lám
袂閣四界蹧躂有情人
buē koh sì-kè tsau-that ū-tsîng-lâng
每日芳水噴芳芳
muí-ji̍t phang-tsuí phùn phang-phang
每日穿甲媠噹噹
muí-ji̍t tshīng kah suí-tang-tang
每日酒場舞池
muí-ji̍t tsiú-tiûnn bú-tî
迷甲茫茫茫
bê kah ba̋ng-bâng-bâng
一日芳兩日紅
tsi̍t-ji̍t phang nn̄g-ji̍t âng
三日啉甲醉茫茫
sann-ji̍t lim kah tsuì-bâng-bâng
毋知酒夢惡夢
m̄-tsai tsiú-bāng ok-bāng
抑是來像戇人
ia̍h-sī lâi tshiūnn gōng-lâng
