永遠愛著伊
《永遠愛著伊》Íng-uán ài-tio̍h i
謝宜君Siā Gî-kun
——————————————
浮浮沉沉海中船
phû-phû-tîm-tîm hái-tiong tsûn
是阮夢伊的心情
sī gún bāng i ê sim-tsîng
想欲靠岸的時陣
siūnn-beh khò-huānn ê sî-tsūn
啥人來等待阮
siánn-lâng lâi tán-thāi gún
想著伊來離開
siūnn-tio̍h i lâi lī-khui
心肝陣陣若針揻
sim-kuann tsūn-tsūn ná tsiam ui
放捒阮孤單空虛
pàng-sak gún koo-tuann khang-hi
情海來無倚無依
tsîng-hái lâi bô-uá bô-i
希望閣再見著伊
hi-bāng koh-tsài kìnn-tio̍h i
希望倚佇阮身邊
hi-bāng uá tī gún sin-pinn
海風替阮轉告伊
hái-hong thè gún tsuán-kò i
講阮永遠愛著伊
kóng gún íng-uán ài-tio̍h i
