問籤詩
《問籤詩》Mn̄g Tshiam-si
戴梅君Tè Muî-kun
——————————————
今夜的雨哪會落規暝
kim-iā ê hōo ná ē lo̍h kui-mî
思慕的人佇佗位
su-bōo ê lâng tī tó-uī
哪通放阮為你夜夜相思
ná thang pàng gún uī lí iā-iā siunn-si
哪通放阮空守月圓
ná thang pàng gún khang siú gue̍h-înn
今夜的月哪會變暗淡
kim-iā ê gue̍h ná ē piàn àm-tām
因為阮等無人
in-uī gún tán bô-lâng
哪通予阮為你夜夜夢
ná thang hōo gún uī lí iā-iā bāng
哪通予阮為你夜夜等
ná thang hōo gún uī lí iā-iā tán
問籤詩
mn̄g tshiam-si
感情兩字
kám-tsîng nn̄g-jī
敢講阮
kám-kóng gún
配你袂起
phuè lí buē khí
月娘啊
gue̍h-niû–ah
請祢指示
tshiánn lí tsí-sī
毋通害阮情困在三更
m̄-thang hāi gún tsîng khùn tsāi sann-kinn
問籤詩
mn̄g tshiam-si
感情兩字
kám-tsîng nn̄g-jī
敢講阮揣無人追
kám-kóng gún tshuē bô-lâng tui
月娘啊
gue̍h-niû–ah
請祢保庇
tshiánn lí pó-pì
毋通害阮愛揣無住址
m̄-thang hāi gún ài tshuē-bô tsū-tsí
