望你著了解
《望你著了解》Bāng Lí Tio̍h Liáu-kái
鄭琇月Tēnn Siù-gua̍t
——————————————
陣陣秋風
tsūn-tsūn tshiu-hong
吹窗邊
tshue thang-pinn
予我想起你
hōo guá siūnn-khí lí
窗外落葉
thang-guā lo̍h-hio̍h
隨風飄去
suî hong phiau–khì
等你又一年
tán lí iū tsi̍t-nî
難忘惜別彼一暝
lân-bōng sioh-pia̍t hit tsi̍t-mî
你咱留戀愛河邊
lí lán liû-luân ài-hô pinn
深深的情
tshim-tshim ê tsîng
綿綿的愛
mî-mî ê ài
永遠袂當放袂記
íng-uán buē-tàng pàng-buē-kì
夜半秋雨點點滴
iā-puànn tshiu-hōo tiám-tiám tih
花蕊離花枝
hue-luí lî hue-ki
因何等待兩三年
in-hô tán-thāi nn̄g-sann nî
一去無消息
tsi̍t-khì bô siau-sit
當初為著表情意
tong-tshoo uī-tio̍h piáu tsîng-ì
將阮真情送予你
tsiong gún tsin-tsîng sàng hōo lí
望你了解阮心意
bāng lí liáu-kái gún sim-ì
早日轉來阮身邊
tsá-ji̍t tńg-lâi gún sin-pinn
