Duludilida
《Duludilida》
鄭宜農Tēnn Gî-lông
——————————————
Duludilida
哪會一直收著
ná ē it-ti̍t siu-tio̍h
遐的無解的信號
hia-ê bô-kái ê sìn-hō
Like a code of how to be loveable
結果咱踅甲戇戇
kiat-kó lán se̍h kah gōng-gōng
踅甲戇戇
se̍h kah gōng-gōng
踅袂出暗崁的衝碰
se̍h bē-tshut àm-khàm ê tshóng-pōng
心內底每日相挵
sim-lāi-té muí-ji̍t sio lòng
若是漂流
nā-sī phiau-liû
佇這茫茫人海
tī tse bâng-bâng jîn-hái
有除了生存的意義
ū tû-liáu sing-tsûn ê ì-gī
我想是
guá siūnn sī
佮你鬥陣起神經
kah lí tàu-tīn khí-sîn-king
佇咱開始改變進前
tī lán khai-sí kái-piàn tsìn-tsîng
So are you gonna shut up, please?
一直在意遐的無細膩
it-ti̍t tsāi-ì hia-ê bô-sè-jī
你的表情
lí ê piáu-tsîng
攏無像你家己
lóng bô tshiūnn lí ka-kī
是得著誰的歡喜
sī tit-tio̍h siáng ê huann-hí
oh~ I’m gonna shut down, too
無論我的選擇
bô-lūn guá ê suán-ti̍k
價值幾箍銀
kè-ta̍t kuí-khoo gîn
遐的歌攏是寫予你
hiah-ê kua lóng-sī siá hōo lí
—
Duludilida
你敢有收著
lí kám ū siu–tio̍h
我真少按呢做
guá tsin tsió án-ne tsò
共話講甲遮爾坦白
kā uē kóng kah tsiah-nī thán-pe̍h
但是咱踅甲戇戇
tān-sī lán se̍h kah gōng-gōng
踅甲戇戇
se̍h kah gōng-gōng
欲落的雨
beh lo̍h ê hōo
早慢會落
tsá-bān ē lo̍h
