送我玫瑰花
《送我玫瑰花》Sàng Guá Muî-kuì-hue
蔡蕙蔆Tshuà Huī-lîng
——————————————
優美的音樂聲
iu-bí ê im-ga̍k-siann
予人想欲搖落去
hōo-lâng siūnn-beh iô–lo̍h-khì
迷人的燒酒芳
bê-lâng ê sio-tsiú phang
予我茫茫醉規暝
hōo guá bâng-bâng tsuì kui-mî
天生溫柔的你
thian-sing un-jiû ê lí
對我講話情綿綿
tuì guá kóng-uē tsîng mî-mî
送我的玫瑰花
sàng guá ê muî-kuì-hue
予我規暗心花開
hōo guá kui-àm sim-hue khui
啊~為你妝媠媠
ah~ uī lí tsng suí-suí
我的心也為你醉
guá ê sim iā uī lí tsuì
啊~為你醉相思
ah~ uī lí tsuì siunn-si
我的情也只為你
guá ê tsîng iā tsí uī lí
感受著你滿滿的情意
kám-siū tio̍h lí muá-muá ê tsîng-ì
將我一生一世予你
tsiong guá it-sing it-sè hōo lí
