相思寄明月
《相思寄明月》Siunn-si Kià Bîng-gue̍h
王海松Ông Hái-siông(泉州)
——————————————
今夜又是情人節
kim-iā iū sī tsîng-jîn-tseh
看人雙雙對對
khuànn-lâng siang-siang-tuì-tuì
攬做伙
lám tsò-hué
想起咱昨暝的情話
siūnn-khí lán tsa-mê ê tsîng-uē
沉醉夢中
tîm-tsuì bāng-tiong
毋啊毋願醒
m̄–ah m̄-guān tshénn
今朝有酒莫貪杯
kim-tiau iú tsiú bo̍k tham-pue
無你的酒
bô lí ê tsiú
醉啊醉千回
tsuì–ah tsuì tshian-huê
思思又念念你一个
su-su iū liām-liām lí tsi̍t-ê
夜夜最難過
iā-iā tsuè lân-kuè
夢中醒
bāng-tiong tshénn
遙遠的相思寄明月
iâu-uán ê siunn-si kià bîng-gue̍h
像愛情限時批
tshiūnn ài-tsîng hān-sî-phue
批中的情火
phue-tiong ê tsîng-hué
燒啊燒規暝
sio–ah sio kui-mê
啊~心愛的
ah ~sim-ài–ê
浪漫的夜悽迷
lōng-bān ê iā tshi-bê
你是最最溫暖的燈火
lí sī tsuè-tsuè un-luán ê ting-hué
