漂泊好男兒
《漂泊好男兒》Phiau-po̍k Hó Lâm-jî
王海松Ông Hái-siông(泉州)
——————————————
離開故鄉來流浪
lī-khui kòo-hiong lâi liû-lōng
將思念寄在夢中
tsiong su-liām kià tsāi bāng-tiong
故鄉爸母
kòo-hiong pē-bú
請恁著愛保重
tshiánn lín tio̍h-ài pó-tiōng
我會拍拚創造好名聲
guá ē phah-piànn tshòng-tsō hó miâ-siann
人在他鄉
jîn tsāi thann-hiong
受盡苦楚
siū-tsīn khóo-tshóo
走遍了坎坷路
tsáu phiàn liáu khám-khia̍t lōo
歷經滄桑
li̍k-king tshong-song
日夜走傱
ji̍t-iā tsáu-tsông
拍斷手骨顛倒勇
phah-tn̄g tshiú-kut tian-tò ióng
毋通放棄
m̄-thang hòng-khì
意志堅定
ì-tsì kian-tīng
賭著一口氣
tóo tio̍h tsi̍t-kháu khuì
我是漂泊的好男兒
guá sī phiau-po̍k ê hó lâm-jî
