白跤蹄
《白跤蹄》Pe̍h-kha-tê【南面而歌】
黃仲儒N̂g Tiōng-jû
過勞電台Kuè-lô Tiān-tâi
——————————————
天猶未光
thinn iáu-bē kng
你就毋知行偌遠
lí tiō m̄-tsai kiânn guā hn̄g
火金蛄?路
hué-kim-koo tshuā-lōo
透著月娘的寂寞
thàu-tio̍h gue̍h-niû ê tsi̍k-bo̍k
毋是袂記得來的路
m̄-sī buē-kì-tit lâi ê lōo
是越頭也無地去
sī ua̍t-thâu iā bô-tè khì
燈火閃爍
ting-hué siám-sih
煞揣無你
suah tshuē-bô lí
聽講每一粒星
thiann-kóng muí tsi̍t-lia̍p tshinn
佇天頂攏有原因
tī thinn-tíng lóng ū guân-in
落雨抑烏陰
lo̍h-hōo ia̍h oo-im
攏有一个親愛的伊
lóng ū tsi̍t-ê tshin-ài ê i
心頭欠一塊
sim-thâu khiàm tsi̍t-tè
我無一工無後悔
guá bô tsi̍t-kang bô hiō-hué
泅袂到岸
siû buē kàu huānn
轉來阮身邊
tńg-lâi gún sin-pinn
(就是我的)白跤蹄
(tiō-sī guá ê) pe̍h-kha-tê
坐佇我的烏肚䆀
tsē tī guá ê oo-tóo-bái
唱著咱的歌
tshiùnn tio̍h lán ê kua
毋知明仔載好抑䆀
m̄-tsai bîn-á-tsài hó ia̍h bái
就是我的白跤蹄
tiō-sī guá ê pe̍h-kha-tê
踏著輕鬆的跤步
ta̍h-tio̍h khin-sang ê kha-pōo
想起咱的夢
siūnn-khí lán ê bāng
毋管別人的期待
m̄-kuán pa̍t-lâng ê kî-thāi
就是我的白跤蹄
tiō-sī guá ê pe̍h-kha-tê
—
咱活佇這个破碎的時代
lán ua̍h tī tsit ê phò-tshuì ê sî-tāi
我猶原會愛你
guá iu-guân ē ài lí
希望一分一秒
hi-bāng tsi̍t-hun tsi̍t-bió
攏袂當放棄
lóng buē-tàng hòng-khì
