親情難捨
《親情難捨》Tshin-tsiânn Lân-siá(游小鳳歌唱劇VII of VIII)
游小鳳Iû Sió-hōng
——————————————
愛是心靈的寄託
ài sī sim-lîng ê kià-thok
親像滴滴的甘露
tshin-tshiūnn tih-tih ê kam-lōo
希望親情的溫暖
hi-bāng tshin-tsiânn ê un-luán
帶予恁快樂
tuà hōo lín khuài-lo̍k
毋管我寶貴青春
m̄-kuán guá pó-kuì tshing-tshun
怎樣耽誤
tsuánn-iūnn tam-gōo
我也欲
guá iā beh
付出愛心來照顧
hù-tshut ài-sim lâi tsiàu-kòo
望你以後有志氣
bāng lí í-āu ū tsì-khì
行出光明路
kiânn tshut kong-bîng-lōo
一切環境來造成
it-tshè khuân-kíng lâi tsō-sîng
才來踏入烏暗路
tsiah lâi ta̍p-ji̍p oo-àm-lōo
自恨紅顏多薄命
tsū-hūn hông-gân to po̍k-bīng
目屎滴落塗
ba̍k-sái tih lo̍h-thôo
雖然咱這段緣份
sui-jiân lán tsit tuānn iân-hūn
將欲結束
tsiong bueh kiat-sok
我也已
guá iā í
付出愛心來照顧
hù-tshut ài-sim lâi tsiàu-kòo
望恁爸囝來團圓
bāng lín pē-kiánn lâi thuân-înn
我心就滿足
guá sim tsiū buán-tsiok
