毋是我無情
《毋是我無情》M̄-sī Guá Bô-tsîng
曾心梅Tsan Sim-muî(曾小萍Tsan Sió-phîng)
——————————————
離開已經
lī-khui í-king
也有兩三年
iā ū nn̄g-sann nî
毋知你
m̄-tsai lí
是生抑是死
sī sinn ia̍h-sī sí
生死算來
sinn-sí sǹg–lâi
也無提醒
iā bô thê-tshínn
叫阮來怎樣等待你
kiò gún lâi tsuánn-iūnn tán-thāi lí
啊~你攏無信
ah~ lí lóng bô sìn
孤單是欲怎樣過日子
koo-tuann sī beh tsuánn-iūnn kuè ji̍t-tsí
啊~請你莫講起
ah~ tshiánn lí mài kóng-khí
毋是我無情放捒你
m̄-sī guá bô-tsîng pàng-sak lí
忍耐予人笑阮袂覺醒
jím-nāi hōo-lâng tshiò gún buē kak-tshénn
堅心猶為你守空虛
kian-sim iáu uī lí siú khang-hi
哪知你
ná tsai lí
一去全無消息
tsi̍t-khì tsuân bô siau-sit
叫阮來
kiò gún lâi
怎樣袂懷疑
tsuánn-iūnn buē huâi-gî
啊~你敢看見
ah~ lí kám khuànn-kìnn
每日阮是
muí-ji̍t gún sī
怎樣流珠淚
tsuánn-iūnn lâu tsu-luī
啊~請你放袂記
ah~ tshiánn lí pàng-buē-kì
親像這陣風雨散去
tshin-tshiūnn tsit-tsūn hong-hōo suànn–khì
