閨女嘆
《閨女嘆》Kui-lú Thàn
雪蘭Suat-luân
——————————————
禮教遺傳數千代
lé-kà uî-thuân sòo-tshian tāi
定定叫阮
tiānn-tiānn kiò gún
毋通走出來
m̄-thang tsáu–tshut-lâi
阿母啊你真糊塗
a-bú–ah lí tsin hôo-tôo
害阮心肝慒
hāi gún sim-kuann tso
關佇房間內
kuinn tsāi pâng-king lāi
高貴聘金若無會
ko-kuì phìng-kim nā put huē
有幾个好額人通來買
ū kuí-ê hó-gia̍h-lâng thang lâi bué
阿母啊你真糊塗
a-bú–ah lí tsin hôo-tôo
害阮心肝慒
hāi gún sim-kuann tso
定定著守空鋪
tiānn-tiānn tio̍h siú khang-phoo
將阮準物件來咧賣
tsiong gún tsún mn̍gh-kiānn lâi teh buē
若親像刣豬的掠豬胚
ná-tshin-tshiūnn thâi ti–ê lia̍h ti-phe
阿母啊你足糊塗
a-bú–ah lí tsiok hôo-tôo
害阮心肝慒
hāi gún sim-kuann tso
阮的人格攏無顧
gún ê jîn-keh lóng bô kòo
出世閨女第一呆
tshut-sì kui-lú tē-it tai
在厝從兄
tsāi tshù tsiông hiann
出嫁從翁婿
tshut-kè tsiông ang-sài
阿母啊你真糊塗
a-bú–ah lí tsin hôo-tôo
害阮心肝慒
hāi gún sim-kuann tso
永遠無主裁
íng-uán bô tsú-tshâi
