為著你
《為著你》Uī-tio̍h Lí
陳芬蘭Tân Hun-lân
——————————————
飯也食袂落喉
pn̄g iā tsia̍h buē lo̍h-âu
睏也睏袂落眠
khùn iā khùn buē lo̍h-bîn
算來一切為著你
sǹg–lâi it-tshè uī-tio̍h lí
跤痠手軟
kha-sng-tshiú-nńg
無心來梳妝
bô-sim lâi se-tsng
猶原也是為著你
iu-guân iā-sī uī-tio̍h lí
春天無想看花
tshun-thinn bô siūnn khuànn hue
秋天無愛賞月
tshiu-thinn bô-ài siúnn-ge̍h
完全也是為著你
uân-tsuân iā-sī uī-tio̍h lí
無論你的好花怎有情
bô-lūn lí ê hó-hue tsuánn ū-tsîng
阮也感覺無滋味
gún iā kám-kak bô tsu-bī
雖然阮
sui-jiân gún
有滿腹的好情話
ū muá-pak ê hó tsîng-uē
見你一面頭犁犁
kiàn lí tsi̍t-bīn thâu luê-luê
你無來
lí bô lâi
心又酸
sim iū sng
規日思念你一个
kui-ji̍t su-liām lí tsi̍t-ê
夏天也毋知熱
hā-thinn iā m̄-tsai jua̍h
冬天也毋知寒
tang-thinn iā m̄-tsai kuânn
完全也是為著你
uân-tsuân iā-sī uī-tio̍h lí
今日阮會變成這樣
kim-ji̍t gún ē piàn-sîng tsit-iūnn
完全也是為著你
uân-tsuân iā-sī uī-tio̍h lí
—
今日阮會變成這樣
kim-ji̍t gún ē piàn-sîng tsit-iūnn
算來一切為著你
sǹg–lâi it-tshè uī-tio̍h lí
