爸母哀歌
《爸母哀歌》Pē-bú Ai-kua
郭一男Kueh It-lâm
——————————————
自從你細加漢
tsū-tsiông lí sè-ka-hàn
捏甲遮大漢
lia̍p kah tsiah tuā-hàn
想袂到你予恁爸
siūnn buē-kàu lí hōo lín-pē
看破無彩工
khuànn-phuà bô-tshái-kang
心中曷攏無爸母
sim-tiong a̍h lóng bô pē-bú
免講嘛怨嘆
bián-kóng mā uàn-thàn
食老想予你奉待
tsia̍h-lāu siūnn hōo lí hōng-thāi
已經是無望
í-king sī bô-bāng
想起你細加漢
siūnn-khí lí sè-ka-hàn
也是真可愛
iā-sī tsin khó-ài
天真活潑予恁爸
thian-tsin ua̍t-phuat hōo lín-pē
疼惜也期待
thiànn-sioh iā kî-thāi
如今你已經成年
jû-kim lí í-king sîng-liân
嫌阮老古怪
hiâm gún lāu-kóo-kuài
親像這款袂曉想
tshin-tshiūnn tsit khuán bē-hiáu siūnn
疼囝也悲哀
thiànn kiánn iā pi-ai
