到底啥物號做真情
《到底啥物號做真情》Tàu-té Siánn-mih Hō-tsuè Tsin-tsîng
許石Khóo Tsio̍h
——————————————
男性失戀用酒解
lâm-sìng sit-luân iōng tsiú kái
女性失戀恁敢知
lú-sìng sit-luân lín kám tsai
只有痛恨在心內
tsí-ū thòng-hūn tsāi sim-lāi
啊!純情的愛
ah! sûn-tsîng ê ài
暗流目屎敢不應該
àm lâu ba̍k-sái kám put-ing-kai
男性若欲有真愛
lâm-sìng nā beh ū tsin-ài
女性何必流目屎
lú-sìng hô-pit lâu ba̍k-sái
楊花當開依恁採
iông-hua tng khui i lín tshái
啊!啥人會知
ah! siánn-lâng ē tsai
女性失戀全毋敢哀
lú-sìng sit-luân tsuân m̄-kánn ai
採花薄情是男性
tshái-hue po̍k-tsîng sī lâm-sìng
起初假愛假正經
khí-tshoo ké ài ké tsìng-king
達了目的情變冷
ta̍t liáu bo̍k-ti̍k tsîng piàn líng
啊!可恨男性
ah! khó-hūn lâm-sìng
到底啥物號叫真情
tàu-tué siánn-mih hō-tsuè tsin-tsîng
