難忘的愛
《難忘的愛》Lân-bōng ê Ài
張凱婷Tiunn Khái-tîng
——————————————
是緣份來做堆
sī iân-hūn lâi tsuè-tui
雙人情深意綿綿
siang-lâng tsîng tshim ì mî-mî
無奈環境來所致
bô-nāi khuân-kíng lâi sóo-tì
將咱舊情拆分離
tsiong lán kū-tsîng thiah hun-lî
難忘的愛糖蜜甜
lân-bōng ê ài thn̂g-bi̍t-tinn
啥人總是會想起
siánn-lâng tsóng-sī ē siūnn-khí
無論你在海角天涯
bô-lūn lí tsāi hái-kak thian-gâi
我也永遠祝福你
guá iā íng-uán tsiok-hok lí
原諒我離開你
guân-liōng guá lī-khui lí
袂記向你來告辭
buē-kì hiòng lí lâi kò-sî
我會堅強我自己
guá ē kian-kiông guá tsū-kí
你也毋免來掛意
lí iā m̄-bián lâi kuà-ì
難忘的愛已過去
lân-bōng ê ài í kuè–khì
相逢何必結連理
siong-hông hô-pit kiat-liân-lí
只要你袂將我袂記
tsí-iàu lí buē tsiong guá buē-kì
我就深深感謝你
guá tiō tshim-tshim kám-siā lí
