問家己
《問家己》Mn̄g Ka-tī
袁小迪Uân Sió-ti̍k
——————————————
歲月輕輕問青春
suè-gua̍t khin-khin mn̄g tshing-tshun
你肩頭敢會酸
lí king-thâu kám ē sng
理想越頭問風霜
lí-sióng ua̍t-thâu mn̄g hong-sng
為何你哪毋認份
uī-hô lí ná m̄ jīn-hūn
落魄總愛怪命運
lo̍k-phik tsóng ài kuài miā-ūn
等到何時定乾坤
tán-kàu hô-sî tīng khiân-khun
冷暖請你用心問
líng-luán tshiánn lí iōng-sim mn̄g
管待世情千般論
kuán-thāi sè-tsîng tshian-puan lūn
一杯酒乾落去
tsi̍t-pue tsiú kan–lo̍h-khì
堅持信念為啥物
kian-tshî sìn-liām uī-siánn-mih
多少往事毋敢想
to-siáu óng-sū m̄-kánn siūnn
留下心中一滴淚
lâu-hā sim-tiong tsi̍t-tih luī
(賰)一條路行落去
(tshun) tsi̍t-tiâu lōo kiânn–lo̍h-khì
心亂走竄為啥物
sim luān tsáu-tshuàn uī-siánn-mih
追求一生風雲時
tui-kiû it-sing hong-hûn sî
全靠懵懂的勇氣
tsuân khò bóng-tóng ê ióng-khì
迷失海湧的小孤帆
bê-sit hái-íng ê sió koo-phâng
走揣方向的向望
tsáu-tshuē hong-hiòng ê ǹg-bāng
紛紛擾擾啊
hun-hun-jiáu-jiáu–ah
家己問家己
ka-tī mn̄g ka-tī
