南風謠
《南風謠》Lâm-hong Iâu
純純Sûn-sûn(劉清香Lâu Tshing-hiong)
愛愛Ài-ài
——————————————
純純)
南風吹來欸三月天
lâm-hong tshe–lâi eh sann-ge̍h thinn
草仔青青欸隨風生
tsháu-á tshinn-tshinn–eh suî hong sinn
雖然露水暗暗滴
sui-jiân lōo-tsuí àm-àm tih
阮兜全無咧滴半絲
gún tau tsuân bô–leh tih puànn-si
愛)
南風吹來欸甘蔗園
lâm-hong tshe–lâi eh kam-tsià hn̂g
甘蔗躼躼欸包甜湯
kam-tsià lò-lò–eh pau tinn-thng
欲剝蔗箬手捾飯
beh pak tsià-ha̍h tshiú kuānn pn̄g
心內依依咧出家門
sim-lāi i-i–leh tshut ka-mn̂g
純)
南風吹來欸無塵埃
lâm-hong tshe–lâi eh bô tîn-ai
林投開花欸清風來
nâ-tâu khui-hue–eh tshing-hong lâi
可恨伊毋相擔帶
khó hūn i m̄ sio tam-tài
相思花開春也知
siunn-si hue khui–leh tshun iā tsai
愛愛)
南風吹來欸陣陣燒
lâm-hong tshe–lâi eh tsūn-tsūn sio
弓蕉結子欸隨風搖
king-tsio kiat-tsí–eh suî hong iô
毋知彼人佇佗歇
m̄-tsai hit lâng tī toh hioh
親像天頂咧的鴟鴞
tshin-tshiūnn thinn-tíng–leh ê ba̍h-hio̍h
合)
南風吹來欸萬物旺
lâm-hong tshe–lâi eh bān-bu̍t ōng
日月協力欸發電光
ji̍t-gua̍t hia̍p-li̍k–eh huat tiān-kong
人的炭礦變金礦
lâng ê thuànn-khòng piàn kim-khòng
阮的南風咧若北風
gún ê lâm-hong–leh ná pak-hong
