愛你後悔啦
《愛你後悔啦》Ài Lí Hiō-hué–lah
唐飛Tông Hui
——————————————
看你佮別人行做伙
khuànn lí kah pa̍t-lâng kiânn tsò-hué
予我心內真難過
hōo guá sim-lāi tsin lân-kuè
雄雄講出刺激話
hiông-hiông kóng tshut tshì-kik uē
煞來傷你遮爾濟
suah lâi siong lí tsiah-nī tsuē
愛你深入心肝底
ài lí tshim-ji̍p sim-kuann-té
醋桶才會亂亂飛
tshòo-tháng tsiah ē luān-luān pue
仙人拍鼓會脫箠
sian-jîn phah-kóo ē thut-tshuê
跤步踏差人攏會
kha-pōo ta̍h-tsha lâng lóng ē
後悔啦
hiō-hué–lah
我真後悔
guá tsin hiō-hué
甜蜜感情
tinn-bi̍t kám-tsîng
強欲被風吹
kiōng-bueh pī hong tshue
後悔啦
hiō-hué–lah
我真後悔
guá tsin hiō-hué
真心真意
tsin-sim tsin-ì
想欲來挽回
siūnn-beh lâi bán-huê
予我機會來解說
hōo guá ki-huē lâi kái-sueh
以後毋閣歹性地
í-āu m̄ koh pháinn-sìng-tē
真情真意我無假
tsin-tsîng tsin-ì guá bô ké
永遠只愛你一个
íng-uán tsí ài lí tsi̍t-ê
