愛你毋敢講出來
《愛你毋敢講出來》Ài Lí M̄-kánn Kóng–tshut-lâi
泥泥Nî-nî
——————————————
自從佮你來熟似
tsū-tsiông kah lí lâi si̍k-sāi
對你有意愛
tuì lí ū ì-ài
深深戀情在心內
tshim-tshim luân-tsîng tsāi sim-lāi
又閣毋敢講出來
iū-koh m̄-kánn kóng–tshut-lâi
我為你墜入情海
guá uī lí tuī-ji̍p tsîng-hái
也是阮頭一擺
iā-sī gún thâu tsi̍t-pái
望你對阮會當了解
bāng lí tuì gún ē-tàng liáu-kái
期待好將來
kî-thāi hó tsiong-lâi
陣陣暗風又吹來
tsūn-tsūn àm-hong iū tshue–lâi
夢中又醒來
bāng-tiong iū tshínn–lâi
雖然你我分東西
sui-jiân lí guá hun tang-sai
甘願為你來等待
kam-guān uī lí lâi tán-thāi
我對你真情的愛
guá tuì lí tsin-tsîng ê ài
你敢全攏毋知
lí kám tsuân lóng m̄-tsai
望你對阮會當了解
bāng lí tuì gún ē-tàng liáu-kái
永遠記心內
íng-uán kì sim-lāi
